OTG Pendrive untuk Android

Pada masa ani, kita memerlukan semua dengan cepat & express. Dengan kesibukkan seharian, kadang-kadang benda penting kan di buat pun malar kan lupa.

Kami memperkenalkan OTG Pendrive. Fungsinya sama macam pendrive tapi yang buat gadget ani special sebab dapat connect ke mobile.

Senang kan? Selalunya kalau kita kan transfer gambar dari mobile sebagai contoh, paksa lagi connect bluetooth atau connect usb ke PC lepastu barutah paste ke dalam PC. Dah dalam PC, baru dapat transfer ke pendrive. lama kan tu prosesnya.





Tapi sekarang ani mudah saja, dengan ada nya OTG Pendrive, dapat connect ke mobile & transfer dengan sekelip mata.

• dapat transfer lagu
• dapat transfer gambar
• dapat transfer file
• dapat transfer movie
• kalau memori mobile panuh, play movie direct dari pendrive saja. 

  Status: PRE-ORDER
  ETA: 25-28days

  Storage Available:

• 16GB - BND$17
• 32GB - BND$23
• 64GB - BND$35

Bagi yang berminat atau kan order, boleh whatsapp +6738370788

Banyak add di Facebook?

Disini TechGeek kan share sedikit tips supaya inda ter 'approve' scammer ataupun hacker. Kalau dulu-dulu hacker atau scammer ani, durang pakai gambar dari mat salleh atau pak arab sesat mana pun indatau. Tapi masa ani, durang pandai curi-curi ambil gambar kita and menyamar ikut negeri kita tinggal 😱 macam kita tinggal di Brunei, ia menyamar jadi orang Brunei. Jadinya sebelum approve, check beberapa info ani

1) kalau di check fb nya, semua baru create hari ani, gambar, info & wallnya sunyi sepi, nada yang comment ataupun text.

2) bila ia add, nada mutual friends, ertinya hacker/scammer ani just randomly add, kalau fb tu orang yang banar, ia akan add biskita melalui fb mutual friends yang ada dalam friendlist biskita

3) inda pandai update apa-apa. Nothing. Adapun update sesuatu yang inda masuk akal, gambar bunga tia saja, gambar-gambar yang dari Google

4) cara durang untuk hack/scam ada dua. Satu, lepas kita appove, ia PM kita, tanya2 tia, muji kita lawa atau hansem tia(padahal fb kita nada pun gambar muka kita) ataupun yang kedua(ani bahaya), ia diam2 mengambil atau mencuri info2 & data2 yang ada dalam fb kita.

So jangan iski kalau banyak yang add. Kepada yangg add atu jua, tolonglah update arah wall atu, bagi tia public, bagi announcement sikit yang fb kita atu kana delete kah, buat fb baru kah, supaya yang kana add atu dengan berlapang dada approved.  Karang kalau inda kana approved,  kana ucap sombong 😂 that's all from us

#share and #like this post 😄

Seller yang penipu ada ciri-ciri ani

Akhir-akhir ani kitani di viralkan dengan kisah seller PENIPU. Hakikatnya dalam dunia internet ani, kita inda dapat mengenal pasti hati budi  seseorang 100% dalam masa yang terdekat, apatah lagi untuk mempercayai penjual online bulat-bulat. Disini, TechGeek ingin share beberapa tips supaya inda tertipu dengan seller yang penipu ani. Lagi-lagi kalau seller tu menjual pre-order, masih ada risikonya untuk membagi duit sebelum barang sampai.

1) Pertama, macam kita meliat kadai-kadai di luar, laku atau inda, murah atau inda kedai tu menjual,  sama jua macam kita meliat seller di internet(FB/IG) check followers nya, aktiviti jual beli nya, berapa lama sudah ia berjual online & gambar yang digunanya. Sekiranya FB nya Nampak sangat meragukan, elakkan untuk mencuba membeli di FB/IG yang berkenaan.

2) Kedua, liat reviews dan kredibiliti seller atu. Seller yang mempunyai servis yang tip top, semestinya ada customers comment dengan pujian & positivity

3) Ketiga, lihat barang yang di juali oleh si penjual online. Kalau barang tu pre-order, harganya sangat murah & harga yang di offer inda masuk akal, elakkan untuk membeli. Besar kemungkinan seller tu menipu

4) Keempat, kalau masih macam inda puas hati sebab seller atu menjual murah & masih gagahi jua kan membali, dapatkan recommendation dari kalangan kawan-kawan. Cuba tanya, kenal atau inda online store/online store atu…kalau banyak yang kata inda kenal, elakkan.

5) Cari yang menerima half deposit supaya biskita & seller dalam win-win situation.

Insyallah, dalam keburukan membeli dalam online ani, terdapat jua kebaikkannya. Kepada manusia (bukan seller) yang menyamar jadi seller di internet ani, tolong jangan menipu, apatah lagi mengambil title “seller pre-order”. Bukan saja mencemarkan nama baik/imej online seller di Brunei ani, tapi memberi masalah untuk mendapatkan kepercayaan customer. 

Mudahan sedikit sebanyak sharing diatas dapat membantu para pembeli untuk  bershopping dengan lebih bijak